रुवाई

[१]
मान्छेबिच फक्रेको मेल राम्रो
हारसँगै जितेको खेल राम्रो
दुई पाटोमा बगिरहन्छ जीबन,
सम्झौतामा बगेको भेल राम्रो।

[२]
अँध्यारोमा मुहार छोप्ने जुन अझै
रुपमाथी रंग भर्ने सुन छ अझैं
बिर्सन्छु भन्दैमा मेटिएर जान्न याद,
मुटुभरी प्रितको मिठो धुन छ अझैं।

[३]
मन्दिरमा फूलको थुंगा चढाएर आएँ
जीबनको लामो आयु बढाएर आएँ
मान्छे माथी राज चल्छ भगवानकै भन्छन,
सुन्यो सुनेन रामकहानी पढाएर आएँ।

अमृता अनुरागी राई
होम्ताङ-१, भोजपुर

[यस रुवाईका लेखिका तेश्रो आवाज साहित्यिक मासिक पत्रीका सँग आबद्व हुनुहुन्छ जुन धनकुटा बाट प्रकाशन गरिन्छ।]