रुवाई

“चार रुवाई”
{i}
अरुको लाश गनेर आयो होला, तिमीलाई मजा
सबैलाई मारी, लाशमाथी उभिंदा सोच्छौ राजा
तिमीलाई के थाहा, सबैले त्यहीं बन्नुपर्छ भनेर
पाली त अब तिम्रै देख्छु, बज्ने ब्याण्ड बाजा ।
{ii}
दाजुभाई जुटे छोडेर काम, गर्न नेपाल बन्द
दिदिबहिनी नि धुरिए, छोडेर काम धन्दा
हैन हाम्रो देशमा ब्यबशायनै यहीं खोल्ने कि
रात दिन आगजनी र तोडफोडको धन्दा ।
{iii}
गोही बनी आँशु झार्छौ, अँजिगर बनी डस्छौ
आफ्नो फाईदा देख्यौ भने, नर्कमा नी बस्छौ
मान्छेका खोल ओढेका ए ब्वाँसा हरु हो रातभरी
उर्बशी र मेनकासँग, दिनमा किन खरानी धस्छौ?
{iv}
कल्पनमा डुबेर थप्छौ, शाहीत्यका पातहरु
थप्छौ भने थप, वास्तविक्ताका खातहरु
पाना भर्ने काम मात्र तिम्रो होइन अब
भर्ने गर चोटिला कुतत्व र कुप्रथाका बातहरु ।

बि. जे. बान्तवा “गाउँले”
ठुलो दुम्मा-९, भोजपुर