रुवाई !

तिन रुवाई.....!

(१)
तिम्रो यादले नछोएको प्रहर जाती
तिमीले नै लत्याएको शहर जाती
निराशा र बेवारीसे बनायौ भन्दिन म,
बरु तिमीले नै पिलाएको जहर जाती ।

(२)
भुल गर्नेले दोष अरुलाई दिन्छन रे
बुद्विमानहरु जोस अरुलाई दिन्छन रे
मात्तिएर कर्तब्य सबै भुले पछि
चोखो बन्न तोष अरुलाई दिन्छन रे ।

(३)
तिमीलाई गलत देख्ने बानी छैन म सँग
तिमीसँगै बिताएको बिहानी छैन म सँग
प्रकृतिको कुरा चल्दा लजाउदै मुख छोप्ने
चाख्न मिल्ने तिमीलाई जवानी छैन मसँग ।

ॠतु लिङखिम "परिवर्तन"
कोल्बुङ्-४ ईलाम