रुवाई

तीन रुवाई

१
नआउ भो मेरो पछि तिमीलाई बात लाग्छ
वाहवाही मिल्नु साटो बदनामी हात लाग्छ
मेरो देखासिखी गर्दै नउठाउ प्याला तिमी
मैले तिर्खा मेट्ने कुरो तिम्ले पिए मात लाग्छ


२
धेरै मै हुँ भन्ने कुहिरो को काग मैले
निष्कलंक रुप हेरें त्याँगे अनुराग मैले
सबै छोडी आजभोलि आँखा चिम्लिबसेको छु
यथार्थमा देखे पछि चन्द्रमामा दाग मैले

३

झट्ट हेर्दा देखिदैन मान्छे बेइमानी जस्तो
बहिरा हेरे के जान्नु र भित्र बानी कस्तो ?
जतनसाथ शीतबाट बटुलेर ल्याएँको थें
पोखिदिएँ मेरो माया बालुवामा पानी जस्तो ।

हरि कृष्ण काफ्ले
चन्द्रानीगाहपुर